Келмей жатып, көмек сұрады деп айыпқа бұйыра көрмеңіздер. Солай боп қалды. Оның үстіне Қалдықыз қарындасымның “”көмек керек болса, қатырамыз” деген уәдесі қамшылап жіберді ме, өздеріңізді асарға шақырмақпын.
1-жәрдем. “Мына кісі келерін келіп алып, не жазған посты жоқ, не салған әні жоқ” деп жазғырмағайсыздар. Алматы мен Астананың арасында шапқылап, жаһанторға жайғасып отыруға уақыт болмай кетті. Көмектеріңіз сол болсын, менің блогымнан және менен күдер үзбей, келіп тұрғайсыздар.
2-жәрдем. Мен блогымды кайтсем кызыкты ете аламын. Журналист емеспін мақала жазып, ой қозғап, талқы жасайтын. Менің блогым қайтсем қызықты болуы мүмкін? Қайткенде өзіме де, өзгеге де пайдалы қыла алам? Осыған ой қоссаңыздар.
3-жәрдем. Жарайды, осы екі жәрдем де жетер. Сұраншақ көрші сияқтанбай осымен доғарайық.
Ең бастысы ойларыңызды дәл осылай шынайы жазсаңыз болғаны.
Pingback: 11. QB. Маусым айында тіркелген блогтар « Өрімтал
Сіздің блог не жазсаңыз да қызық болатын шығар))) Өнер адамдарына деген қызығушылық қашанда көп қой. Жаңа әндер, концерт болатын болса, коммерциялық жобаларыңыз болса, жалпы, ел білсін деп шешкен ақпаратпен бөлісе отырсаңыз))) Оқып тұруға кеп тұрам))